Latest News

Mizoram State Games neih tura Serchhip Bial aiawh intirh dan tur sawihona neih a ni

Mizoram State Games vawi 3-na neih tur atana Serchhip Assembly Constituency aiawh tur thlan dan tur chu nimin khan Serchhip-ah bialtu MLA, Lalduhoma hovin sawiho a ni.
He sawihona Serchhip DC Meeting Room-a neih hi bialtu MLA, Lalduhoma chuan kaihhruaiin Mizoram State Games chu kum 1981-ah a \umkhatna atan hlawhtling taka neih a nih tawh thu leh kum 5 dan a neih tura ruahman niin kum 1985-ah neih leh ni mah se kan zawngchhak tak loh avangin neih chhunzawm a ni ngai ta lo tih a sawi a. Kum 34 hnuah Cabinet Meeting chuan neih leh tura relin tunah hian Assembly Constituency wise a inelna nei tura hmalakna kalpui mek a nih thu a sawi a. Serchhip bial-ah pawh experience nei \ha tak tak te kaihhruaina a Committee din hmalak a ni chu lawmawm a tih thu a sawi a. Mizoram State Games chu inelna a nih dawn avangin \an a na dawn tih sawiin, hei vang hian Medal la thei ngei tur intirhchhuah a pawimawh thu a sawi a. He inelna atana sum mamawh turte chu Budget-ah lan loh thu sawiin, hei mai bakah MLA Fund pekchhuah an la nih mumalloh bawk avangin sum lama harsatna awm thei te a sawi bawk.
Hemi hnu hian Chairman hian Mizoram Sports Games neihna tura sawrkar ruahmanna hrang hrang te tarlangin, he \hutkhawm a tel te hian Mizoram State Games neih tura intihsiakna neihna tur Sports Discipline 32 a\angin Serchhip Constituency aiawhte telna turin discipline 21 an thlang a, heng te hi Archery, Arm Wrestling, Athletic, Badminton, Basketball, Body Building, Boxing, Carrom, Chess, Football, Hockey, Indigenous, Karate, Motorsports, Shooting, Table Tennis, Taekwondo, Tennis, Tug of War, Volleyball leh Wrestling te niin discipline 11 te erawh chu tel loh tura ngaih a ni a, heng te hi Aquatic, Cricket, Fencing, Judo, Kickboxing, Muaythai, Powerlifting, Sepaktakraw, Snooker & Billiards, Weightlifting leh Wushu te a ni a. Heng tel lohna tura ngaih Sports discipline-ah te pawh hian Serchhip Bial chhung mi, a thei leh lo thiam deuh te an awm a nih chuan intirhchhuah dan ngaihtuah nise an ti bawk.
Heng Serchhip Constituency aiawha infiammi tir tura ngaih Sports Discipline hrang hrang ah hian mawhphurhtu tur inruatchhuah nghal niin tun thla ni 16 hmain Category hrang hranga tel thei tur zat leh a tel thei tur lo inthlang fel tura tih an ni a. Hemi hnu Nov. 18-ah \hutkhawm neih leh tura ruahman niin hemi rual hian Discipline tin te pawhin an sum mamawh tur ang te lo ruahmanin hei pawh hi \hutkhawm neih leh hunah thlirho nise an ti a. Sawrkar a\anga inbuatsaihna sum hmuh tur a tam dawn loh avangin mamawh zuakpui phuhrukna turin Sawrkar Department, VC leh mi tlawmngai te hnenahVehbur khawn nise an ti bawk.
He \hutkhawm ah hian District Bawrhsap leh Patron ni bawk, Sangchhin Chinzah leh Working Committee Chairman, H. Dolianbuaia, PD DRDA bakah Committee Member te leh Sports Association hrang hrang aiawhte an tel a ni.

Comments

Popular News (Last 30 Days)