Zokutpui buatsaih tum a ni - Tourism Minister

Tourism Minister, Robert Romawia Royte chuan Kolkata khawpuia Zo chi peng hrang hrangte huapin Zokutpui buatsaih tum a ni, a ti.
Kolkata Mizo Zirlaite'n an kum 70 tlinna (Platinum Jubilee) lawmna niminpiah-a IB Ground, Sector-3, Salt Lake, Kolkata-a neih a hmanpuina ah he thu hi sawiin Tourism Minister chuan Zokutpui buatsaih tum chu Zofate inpawhtawn nan leh insuihkhawm nana pawimawh a nih piah lamah khawvel huapa Mizo hnam leh Mizoram a tha zawnga phochhuahna tha tak a nih tur thu a sawi a. Mizoram Sawrkarin Kolkata khawpui pawimawhna hriain Mizoram House building thar tha tak sa tura hma a lak mek thu a sawi a. India ram khawpui dang aia Kolkata khawpuiah Mizote an tlangtla bik nia a hriat thu pawh sawiin, a chhan nia lang chu Kolkata khawpuiin an ngaihsan tak tak Mizo Footballers te vang a ni, a ti. Tourism Minister chuan Zoram-ah zu zawrh tihtawp a nih tawh avangin kumin atang chuan Krismas nuam zawk leh hlimawm zawk Zoram-ah kan hmang dawn tih a sawi bawk.

Comments

Chhiar Hlawhte