MSTA te zirna chungchang zirchianna tlangzarh

Mizoram Middle School Teachers Association (MSTA) General Hqrs. hnuaia Academic Sub-Committee hmalaknaa zirna chungchang zirchhiana an neih, Education Survey 2019 Report chu nimin khan tlangzarh a ni.
Education Survey 2019 Report tlangzarhna hi nimin khan SCERT Auditorium Chaltlang-ah neih niin SCERT Director, Laldawngliani chuan he Report hi a tlangzarh a. He Survey hi thla 10 chhung buaipuiin mi 1135 an kawm a. He Report atan hian mi chi hrang hrang- Inhlawhfa mi te, eizawnna tenau dang leh sumdawnna lian buaipui te, Firm leh Company hnuaia thawk mek te, Lehkha thiam hna nghet thawk lai leh Sawrkar a hna sang thawk te, Center leh Jail-a awm mek te, Ruihhlo in a tihbuai mek te bakah hna mumal thawh nei lova khawlai leng vel thin te hmaichhanah kawmna an nei a ni.
He Report atanga a landan chuan hna thawk peih leh sum thawk chhuak peih te zingah Sawrkar School-a Primary leh Middle School kal chhuak an thahnem hle a. Hna sang thawk leh Lehkhathiam hna nghet nei te bakah Saptawng hman tulna Firm leh Company hnuaia thawkte ah pawh Sawrkar School chhuak an tam zawk hle a ni. |halai in ti changkang leng vak vel zingah erawh chuan Sawrkar School chhuak an awm meuh lo. Hnasang thawk leh lehkha thiam tak te zingah ruihtheih thila buai an awm mang lova. Mi tam tak te zuk leh hmuam leh ruihtheih thila fihlim lo an awm laiin hetiang thila fihlim leh insum thei an pung tawh hle. Kawng dik leh tha lama inzirtirna a nasat phawt chuan Mizo thalaite hi kaihhruai nuam tak leh hmasawn mi kan nih avangin heti lama hmalak chak a tul em em a ni tih hriat chian a ni tih he report-ah hian tarlan a nih thu sawrkar thuchhuah chuan a tarlang.

Comments

Chhiar Hlawhte