Latest News

MJA Press Study Tour-a kal turte thlahliam an ni

Mizoram Journalist Association member mi 9 leh I&PR Official 3, Chennai leh Pudu-cherry a Press Study Tour nei turte chu Inrinni khan I&PR Minister, Lalruatkima chuan Aizawl-a I&PR Directorate kawt atangin a vailiam.
Press Study Tour-a kal turte thlahna puala inkhawm tawi I&PR Director, Lallianpuii kaihhruai a neih ah I&PR Minister chuan I&PR buatsaih Press Study Tour chu tangkai taka hmang turin Press mite chu duhsakna a hlan a, tunlai khawvel ah hmasawnna kawng engkimin a zuang a, Technology a sang tawh tih sawiin, India ram khawpui upa leh chang-tlung hmasa zawk Chennai leh Puducherry-ah te pawh thil pawimawh tam tak an zirchhuah a beisei thu leh, nuam tawl a kal tur ni lova, thil thar leh pawimawh Mizoram-in a tihve theih thil chi hrang hrang te rawn zir a, mipui leh sawrkar-in a tangkaipui tur rawn paw haw turin a chah a ni.
Press Study Tour hi November ni 9, 2019 atanga November ni 15, 2019 thleng neih tur a ni a. Mizoram District hrang hrang atanga MJA member thlanchhuahte telin Serchhip District atang pawhin MJA Serchhip District President, C. Ramengmawia chu a kal a. Ruahman lawk ang chuan Inrinni zan khan Chennai thleng tura beisei ni mah se khua in a zir tak loh avangin Vawiin hian Chennai hi an pan theih beisei a ni.

Comments

Popular News (Last 30 Days)