Tuikum lui-ah tlahlum

Serchhip leh Hriangtlang inkar kawng siam meka lung la-a inhlawh Lalremruata (21), New Vervek khua chu nimin khan Serchhip leh Hriang-tlang inkar-a Tuikum lui-ah chesualin tui-ah a tlahlum.
Thudawn danin Lalremruata hi helai hmuna Contractor, Larry-a hnuaia lung la-a thawk thin niin nimin chhun khan a thiante nen Tuikum lui ah Balu phur turin an kal a, Lei hnuai-a Li-ah tui chengin an inbual a, hetah hian chesualin tui-ah hian a tlahlum ta a ni. A ruang hi a tlakna li-ah hian hmuh nghal niin Hriangtlang khua-ah lak a ni a, YMA ten Kuang an siam sak hnuah nimin tlai khan an khaw lamah a ruang hi lak nghal a ni. Hriangtlang khua hi Serchhip atanga khawchhak lam KM 12 vela hlaa awm niin a panna kawng hi PMGSY sum hmangin laihzauha siamthat mek a ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn