Serchhip-a Excise Deptt. dinhmun rawn enfiah

Mizoram Excise & Narcotics Department-a Joint Commissioner, Vanlalmalsawmdawng-liana chuan nimin khan Serchhip rawn tlawhin Annual Inspection a nei.

Serchhip Excise & Narcotics Office-a Inpection Programme-ah hian Excise & Narcotics Department-a Joint Commissioner chuan Serchhip District chu Mizo-ram laili-a awm a nih thu sawiin, Serchhip District leh a chhehvel chu ruihhlo tawlhrukna kawng (International Drugs Route) pawimawh tak pakhat anih avangin Excise & Narcotics Department a thawktute chuan an hna chu Pathian leh ram tana an rawngbawlna a ni tih hre thar chunga rinawm leh taima taka thawk tura chahin, an hmaa tihtur awm apiangte tha taka hlenchhuak a ke pen zel tur te, therlo leh thamna lakah fihlim a invawng tlat turin a chah a. Serchhip-a Excise & Narcotics Department a thawktuten ruihhlo tawlhruk engemawzat leh a neitu an lo man tawhna ah lawmthu hrilhin, hun lo kal zel turah theihtawp chhuah chhunzawm zel turin a chah bawk.
    Joint Commisioner chuan Serhhip Excise & Narcotics Department a thawktute harsatna hrang hrang leh Staff Quarters leh lirthei tha zawk an mamawhna te chu a hmuhpui thu leh amah pawhin theihtawp hma lak sak dawn thu te bakah thuneitu sang zawkah pawh thlen sak zel a tum thute sawiin, Mihringte tan a pawi-mawhna tangkaina neilo Zu chu mipiu ten kan ngaih pawimawhna simin, engahmah ngailo ngam a tul zawk thu a sawi bawk.
    Nimin-a Serchhip-a rawn kal Mizoram Excise & Narcotics Department-a Joint Commissioner hi Serchhip-a Excise & Narcotics Department-a Asst. Commissioner, R. Laldin-sanga leh a thawhpui dang ten lo dawngsawngin inkawmna an neih hnuah Serchhip-a Excise & Narcotics Department Office leh Staff Quarters te tlawhin an dinhmun a enfiah a, hemi hnu hian Aizawl a pan leh nghal a ni.