Latest News

Excise Station thar hawng

Lawngtlai East bialtu MLA leh Agriculture Development Board Vice Chairman ni bawk, H. Biakzaua chuan nimin khan Excise & Narcotics Department hnuaia Lawngtlai Station din thar chu Lawngtlai Chanmari Veng-ah a hawng.
Lawngtlai-a Excise & Narcotics Department Station thar hawnna hunah hian khuallian chuan Lawngtlai District-in a la neih ngai loh Excise & Narcotics Station thar din a ni chu lawmawm a tih thu sawiin, Lawngtlai-a Department hrang hrang tichangtlung a, tiphuisui turin Mizoram sawrkarin hma a lak mek thu a sawi a. Lawngtlai District chu ramri-a awm a nih avangin ruihhlo tawlhluhna kawng a nih a hlauhawmin, fimkhur a tul hle tih a sawi a. Excise & Narcotics Department chu thalaite nunna suattu leh ram sum luan raltirtu ruihhlo chi hrang hrang tirem a, chhungkua leh vantlang nuna malsawmna thlentu a nih ngei a beisei thu a sawi bawk.
Lawngtlai-a Excise & Narcotics Station thar hi Inspector-in a awp dawn a. Sub-Inspector pahnih, driver pahnih leh thawktu dang (other rank) 13 an awm dawn a ni.

Comments

Popular News (Last 30 Days)