Badminton inelna, Favang Kut Serchhip-ah khelh tan a ni

Serchhip District Badminton Association in Tournament a buatsaih, Favang Kut-2019 chu nimin khan Serchhip Indoor Stadium-ah khelh tan niin Badminton khel thiam mi 150 chuang an tel.
Serchhip District pum huap Badminton-a inelna, Favang Kut-2019 hi Serchhip District Badminton Association President, John Zoram-mawia chuan hawngin Serchhip District Badminton Association in kum khat-ah tum 2 tal Tournament buatsaih a tum tih hlawhtlinna atan he Tournament hi buatsaih a nih thu leh infiammi thahnem tak an tel thei chu lawmawm a tih thu a sawi a. He Tournament an buatsaih theih nana sum leh pai-a tanpuitu Directorate of Ayush leh Serchhip District Badminton Association Vice President, K. Laltlanmawia te chungah lawmthu a sawi bawk.
Serchhip Indoor Stadium-a khelh Favang Kut-2019 ah hian Category 18-ah inelna neih tur niin Serchhip District chhung atangin mi 151 te tel turin an inziaklut a, Serchhip khawpui pawnlan atangin puitling 25 leh naupang 10 rawn tel tura beisei niin Under-9 (Boys and Girls), Under-11 (Boys and Girls), Under-13 (Boys and Girls), Under-15 (Boys and Girls), Mens (Singles leh Double), Mens (B) Doubles, Women Doubles, Mixed Doubles, kum 35 chunglam (Singles leh Doubles), kum 40 chunglam (Doubles), kum 45 ching chunglam (Doubles) leh kum 50 chin chunglam (Doubles)-ah te inelna hi neih a ni dawn a, tunkar Zirtawpni khian Final khela zawhfel a ni ang.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn