IITF-ah Mizoram-a Department 4 inphochhuak

Chawlhkar hnih awh tur India International Trade Fair, IITF 2019 vawi 39-na New Delhi a neih mek ah Mizoram sawrkar Department pali (4) aiawh ten Mizoram tharchhuah leh siamchhuah thil engemaw zat an phochhuak.
IITF 2019 hi Ningani khan Union Minister for Micro, Small and Medium Enterprises, Nitin Gadkari chuan Pragati Maidan, New Delhi-ah a hawng a, Union Minister of State for Commerce and Industry, Som Parkash pawhin he hun hi a hmanpui bawk.
IITF 2019-ah hian India ram state hrang hrangte bakah ramdang 14 ten an thil siamchhuah an phochhuak a, Mizoram aiawhin Commerce and Industries Department Deputy Director, V. Lalrinawma hovin Official 4 leh Enterpreneurs 11 an tel a, Stall 11 an siam a ni. Heng Stall-ah te hian Handloom and Handicrafts, Mau hmanga thil siam hrang hrang bakah Thingpui leh Aieng te phochhuah a ni a, Agriculture Department aiawhin Mission Organic Mizoram (MOM), Horticulture Department aiawhin Zo Anthurium Growers' Crop Society, Mizoram leh Tourism Department aiawhin Evergreen Tours and Travels leh Hotel Regency te an inphochhuak a ni.

Comments

Chhiar Hlawhte