Latest News

House-ah Power Supply thatloh chhan sawi

Power Minister, R. Lalzirliana chuan tunlaia Power Supply kan neih thatlohna chhan chu mipui in Eng tha zawka an hmuh theihna atana Department in tan an lakna vang anih thu House a hrilh.
Assembly Session neih mekah zawhna chhangin Power & Elctricity Department changtu Minister, R. Lalzirliana chuan tunlaia eng kan neih loh chhan hrang hrangte a tarlang a. Aizawl khawpui ah mihring kan lo tam a, transformer 6.3 MVA bun a ni tlangpui a, load in a zo tawh lovin a short thin a. Tunah hian transformer te hi 10MVA a thlak mek a ni a, Sub-Station hrang hrangah buatsaih mek niin Zuangtui-ah pawh 12.5MVA 4 lai dah a ni a, mahse mipui kan tam a; load a sang a, thlak turin ni hnih lai eng kan neilo tih sawiin, 25 MVA pahnih-a thlak a nih thu a sawi a. Transformer te a hluiin a chawm thin a chawm zo tawh lo a, Chief Minister, Zoramthanga hnena an dil angin SEDP atangin inhawng takin mipui harsatna sutkian nan pawisa pek an nih thu leh khawl hrang hrang lei tum te a tarlang bawk.
Zawhna neitu Dr. Thiamsanga zawhna chhangin P&E Minister chuan Bukpui - East Lungdar - Khawzawl 132 KV line chu tunhmain thlun a ni tawh a, mahse 33KV-a charge anih thu leh tunah hian 132 KV a thlak tumin 2018-19 ah nuai 231 pek an nih thu a sawi a. Tun sawrkar ah SEDP atangin cheng nuai 562.25 pek leh an nih thu leh hna pawh 53% zawh tawh a ni tih sawiin, nakuma zawh hman tum anih thu a sawi a. Eptu Member, C.Lalsawivunga zawhna chhangin Tlawhva Mini Hydel project pawh nakum 2020 ah zawh tum anih thu a sawi bawk.
Power Minister chuan Vankal-ah 20 MW Solar plant buatsaih mek a nih thu leh cheng vbc. 21.07 chu External Work atan sanction a nih thu leh Internal DPR pawh peih fel a ni tawh tih a sawi a, Tlungvel-a 2MW Solar Plant, ZEDA hnuaia thawh mek pawh kumtin December-ah zawh hman tum anih thu a sawi bawk.

Comments

Popular News (Last 30 Days)