SEDP hi pawisa bituk zat nei a sem den den lam a ni lo - Chief Minister

Chief Minister, Zoramthanga chuan nimin khan Aizawl-a Secretariat Building Annex-II, Treasury Square-ah Socio-Economic Development Policy (SEDP) hnuaia Board hrang hrang 14 te Office tur chu a hawng a. He hunah hian Chief Minister chuan SEDP chu pawisa bituk zat nei a sem den den lam a niloh thu a sawi bawk.

Socio-Economic Development Policy (SEDP) hnuaia Board hrang hrang 14 te Office hawnna hunah hian Chief Minister chuan Mizoram chu hmasawnna kawng hrang hrang - ei leh barah te, mipui nunphungah leh hmasawnna policy kalphungah te India hmarchhak-a hmahruaitu a dah chu sawrkarin a tum thu a sawi a. Chumi atan chuan SEDP chu siamin, policy tipuitling tura hma la turin Board 14 te chu din an nih thu a sawi. Chief Minister chuan SEDP chuan a huam zau thu leh khawilai bik emaw tan chauh nilova mitin tan a nih thu a sawi a. Mizoram sawrkar hmalakna pui ber chu Economic Sector zawng zawngah leh Social Sector zawng zawngah hmasawnna pui thlen theihna tura buatsaih a nih thu sawiin, Social Sector-ah chuan Health Care in bul \an a nih thu a sawi a. Health Care Scheme hnuaiah chhungtin tan cheng nuai hnih hnuailamah chuan damlo inenkawlna tum sak an nih tawh thu a sawi a. Sector dang dangah leh Administrative Sector-ah te pawh ruahmanna siam niin hmalak chhoh zel a nih tur thu a sawi bawk.

Chief Minister chuan SEDP chu pawisa bituk zat nei a sem den den lam a nilo tih sawiin, Board kaltlangin Sawrkar laipui sum tam tak awm hmang \angkai tura ruahmanna, hmasawnna tur hnathawh theih hrang hrangte project ah siamin hmalak zel tur a nih thu a sawi a. “SEDP inkhaihruaina milin sawrkarin hma la in policy a siam a, chu policy \heuh kalpuina tura Minister Chairman-na hnuaiah Vice-Chairman leh Board member te awmin an vaiin an thawkho dawn a ni,” a ti.

SEDP hnuaia Board Member te chuan a taka hnathawh leh enzui, Monitoring pawh an thawh zui tur thu sawiin Chief Minister chuan, Board hrang hrangte hi awlsam thei ang bera din in, hlawh pek leh thawktu rawih chungchang ah te pawh a inrenchem zawng zela ruahmanna siam a nih thu a sawi a. Chutihrual chuan Board te chuan thawh tur an neih tam hle thu sawiin, member leh mawhphurtuten an zawn \heuh a hnathawh te theihtawp chhuah a an thawh a beisei thu a sawi bawk a. Tlin taka hna an thawh theih nan mamawh belhna a awm a nih chuan Board dang din te, member thar lak te pawh a \ul ang zela kalpui a la nih tur thu a sawi bawk.

GAD Joint Secretary, Zorammuana kaihhruai he hunah hian Board hrang hrang 14 te aiawhin Health & Family Welfare Board Vice Chairman Dr. Z.R. Thiamsanga pawhin thu sawiin, Ram leh hnam hmasawn theihna tura SEDP hnuaia Board pawimawh tak tak dinchhuah a nih thu a sawi a, Board din hlawhtlin theihna tura sawrkar-a hmalatu hrang hrangte chungah lawmthu a sawi a. Board hmalak zelna tura Official te leh mipui \awiawmna a pawimawh tur thu sawiin, SEDP hmalakna zingah Health Care-ah phei chuan thui tak hmalak a lo nih tawh thu te, \angkai taka hman chhor zel a nih tur thu a sawi a. Board tin ten theihtawp chhuah a ram hmasawnna tura an thawh tur leh, hmalakna te a hlawhtlin theih nan Zoram mipuite thawhpui-ah a sawm bawk.