Serchhip mi 5 fehchhuak

India rampum huap naupangte tana Table Tennis intihsiakna Inrinni atanga Dharamsala, Himachal Pradesh-a neih ah Mizoram atangin mi 10 kalin an zingah hian Serchhip District atangin mi 5 an tel.
Table Tennis Federation of India huaihawta UTT 81th Cadet & Sub-Junior National and Inter-State Table Tennis Championship hi tunkar Zirtawpni thleng khian Dharamsala, Himachal Pradesh-a neih turah Mizoram aiawh tur hian mi 10 thlanchhuah an ni a, heng zingah hian Serchhip District Table Tennis Association atangin mi 5 telin heng te hi Cadet Girls-a khel turin C. Lalremsiami, Cadet Boys-ah Kevin F. Lalhmangaihzuala leh R. Lalruatmawia, Sub-Junior Boys-ah Lalhmingmawia leh Lalruatmawia te an ni a. Heng mite hian Nov. ni 10 khan Aizawl an chhuahsan a ni.

Comments

Chhiar Hlawhte