Serchhip-ah Cricket Association din turin hma la mek

Cricket Association of Mizoram (CAM) hruaitute chuan nimin khan Serchhip rawn tlawhin Serchhip-a Cricket Association din dan tur sawiho a ni.
Cricket Association of Mizoram hruaitute hi an President, Robert Lalfamkima hova rawn kalin Jamela Hotel, Serchhip-ah Serchhip-a Cricket lama tuimi te nen inkhawmna an nei a, he hunah hian Serchhip-a Cricket Association din dan tur sawihoin tunkar chhungin Cricket game lama tuimi te inhmuhkhawmna neiin Association hi mumal taka dinin hruaitute pawh insiam nise an ti a, hetianga pawl din fel a nih chuan Cricket Association of Mizoram atangin Cricket khelh zirna tur pitch siamna rawn pein, Team khat daih tur players an neih hunah Aizawl lam Team te nen inhmachhawn thei tura duan a ni bawk.
He hunah hian Cricket Association of Mizoram hruaitute hian Serchhip-a hman tur bungrua pawh hlan nghalin heng bungrua te hi a vaiin cheng sing thum man vel a ni a, heng zingah hian Bat pahnih, Helmet pahnih, Leg Guard pathum, Keeper glove leh mamawh hrang hrang a tel a ni.

Comments

Chhiar Hlawhte