Ram neih theih nan sawrkar in hma a la dawn

Zonuna Kawlni /
Land Revenue & Settlement Minister, Lalruatkima chuan SEDP hnuaiah kut hnathawk hmala duhsi, ram neilo te tan Land Revenue & Survey Board chuan ram an neih theihna turin ram a ngaihtuah sak dawn tih a sawi.
Land Revenue and Survey Board Vice Chairman, Rochhunga Ralte, Ex-MLA in nimin-a Secretariat Annex Building-a a Pisa a luahluhna hun a hmanpuina ah he thu hi sawiin Revenue Minister chuan Mizoram sawrkar, Chief Minister Zoramthanga kaihruai chuan ei leh bara intodelh a ngaipawimawhin a Flagship Programme, SEDP a kalpui mek a, chumi tihlawhtlinga sawrkar tichak turin Board chi hrang 14 siamin chung zinga pawimawh tak pakhat chu Land Revenue and Survey Board a nih thu a sawi a. Land Revenue and Survey Board chuan huan leh ram zau tak nei, chhawr tangkai lo te, LSC mumal lo leh chhiah pek dan thlengin mipui leh ram tana tangkai takin hna a thawk dawn tih a sawi. Hei bakah hian Revenue Minister chuan hmasawnna rahbi pawimawh thawk turin ram a pawimawh lo theilo tih sawiin, ram sq.m 21,000 bawr vela zau chu a chhung cheng mipuiten tangkai taka hman thiam atul dawn tih a sawi bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »