KMMTTP kawng lai mek a hmunah enfiah a ni

Ministry of Road Transport and Highway a Special Secretary leh Financial Adviser, Shambhu Singh chuan Pathianni khan Lawngtlai tlawhin, Lawngtlai-III a leitlakhniamna lai leh KMMTTP a tlawh.
Shambhu Singh hian Pathianni chawhma lam khan Helicopter in Lawngtlai a thleng a, Helipad-ah Lawngtlai DC bakah Lawngtlai East MLA, H. Biakzaua leh Official pawimawh dang ten lo hmuakin, Lawngtlai East MLA hian, Lawng-tlai-III lei tlakhniamna lai a National Highway a pin vanga Lawngtlai leh Siaha District mipuiten an tawrh nasat zia hrilhin, helai hmun hi tlawh turin a sawm a, MLA sawmna hi ngai pawimawhin, Special Secretary hian a tih tura ruahmante a tih hmain Lawngtlai-III lei tlakhniamna lai hi a tlawh a, helai a harsatna thleng chu a theih anga lo enzui a tum thu a sawi.

Hemi hnu hian Lawngtlai atanga Myan-mar thleng pawh tur, KMMTTP chu Lawngtlai AOC Veng atangin  Myanmar ramri thlengin a en a,  PWD leh kawng sial hna thawktu Company ten harsatna an tawh thin, leimin nasa lutuk thin te a hmun ah a theih ang ang an enpui bakah helai kawngpui a Lei pariat (8) dawh tur pawh Shambhu Singh hian a thlir bakah India leh Myan-mar inrina lai a Lei dawhkai tur a ruahmanna awmte a en bawk. Financial Adviser nibawk, Shambhu Singh hian KMMTTP a hmalak chhunzawm nana tul pawimawh leh Lawngtlai a rawn tlawh a bawhzui ngai tur te chu Delhi a thlenthlak hun ah a tul anga lo enzui nghal a tum thu a sawi.

Comments

Chhiar Hlawhte