Latest News

IOCL hotu ten CM an kawm

Indian Oil Corporation Ltd. (IOCL) North East (Assam Oil Division) Chief General Manager, Uttiya Bhatacharya leh Official dang te chuan nimin khan Chief Minister, Zoramthanga chu a Pisa-ah kawmin Mizorama eirawngbawlna Gas Supply tih that lehzualna atana pawimawh hrang hrang an sawipui.
He hunah hian IOCL CGM chuan Mizoram chu an ngaih pawimawh thu leh Gas Supply pawh a theih anga tha a tih an tum tur thu sawiin, an kut a dah anmahni chu ring ngam tur in mipuite a ngen tih a sawi a. Storage tih that nan Vairengte Oil Depot hman tawh loh pawh a thar siam hma a lo hman lailawk theih tur a hma an lak dawn thu a sawi bawk.
IOCL hotute hian hemi hmalam hian Supply Minister, K. Lalrinliana chu kawmin Bai-rabi-a Gas Bottling Plant leh Oil Depot siamna tura Mizoram in a ruahman, IOCL leh Mizoram sawrkar Official ten an enho tawh chungchang an sawipui bakah, Gas supply tih that dan turte an sawi a, Consumer ten eirawngbawlna Gas home delivery booking an hman tangkai a pawimawh thu pawh sawiin, nikhat ah a tlem berah Gas Truck load 22 rawn thawn ziah turin an intiam bawk.

Comments

Popular News (Last 30 Days)