‘Mizo Pi Pute Nunkhua’ tlangzarh

Information & Public Relations Minister, Lalruatkima chuan nimin khan Ramhlun Indoor Stadium-ah R .Chaldailova lehkhabu ziah ‘Mizo Pi Pute Nunkhua’ tih chu a tlangzarh.
Lehkhabu tlangzarhna hunah hian I&PR Minister chuan pi pute nunzia kalsan sawifiah tak siloh tam tak karah ‘Mizo Pi Pute Nunkhua’ ziaktu, R. Chaldailova chungah lawmthu sawiin, ‘Mizo Pi Pute Nunkhua’ chu midangte tan zirtur leh hriatbelh tur hnut-chhiahna lehkhabu leh Mizo hnam zia rang hum-halhna kawngah pawh hnam rohlu tling a nih ngei a rin thu a sawi a. ‘Mizo Pi Pute Nunkhua’ chuan zirna In hrang hrang leh zirna sang zawk University zirlaite puitu lehkhabu tangkai tak a ni ang, a ti a. Khawvel changkangna in a ken Technology vanga thangthar ten lehkhabu chhiar an uar ta lo chu pawi a tih thu sawiin, helam kawnga tan la turin thangtharte a sawm bawk a ni.
Mizo Pi Pute Nunkhua’ ziaktu R. Chal-dailova hi kum 91 a upa a ni a, nimin a tlangzarh tak‘Mizo Pi Pute Nunkhua’ hi a bu thumna niin Rs. 200/- man tur a ni a, dawr hrang hrangah lei turin a awm a ni. Mizo Pi Pute Nunkhua-ah hian Mizo Pi leh Pute’n thihna an ngaihdan te, Mizo Puan Hming hrang hrang 46, Arsi Hming 16, Thli Hming 18, Mizo Lal te’n an khua leh tui an uap dan te, Zawlbuk leh khawtin a an neih lemlo Vanglai Buk leh a dangte ziahlan a ni bawk.

Comments

Chhiar Hlawhte