Kum 20 tang turin hrem

Hmeichhe pakhat pasal nei lai pawngsualtu, J. Lalruatsanga s/o Lalzoa, R. Vanhne, Siaha District chu Joel Joseph Denga, District & Session Judge Lunglei chuan kum 20 chhung lung In tang tur leh pawisa chawi turin a chungthu a rel sak.
J. Lalruatsanga leh kumtling lo mi pakhat chuan Dec. 26, 2015 khan hmeichhe pakhat kum 31 mi, pasal nei lai chu chemte nen tih luihna a vauin R. Vanhne khaw daiah Motor-in an phurchhuak a, he Motor (pik-up) chhungah hian an pawng-sual zui a. He thil thleng chungchang ah hian Lawngtlai PS-ah FIR thehluh a nih hnuin Lunglei District & Session Court-ah thubuai hi ngaihtuah a nih hnuin J. Lalruatsanga hi thiamloh chantir a ni a, Sec 376 (D) IPC hnuaiah kum 20 tang tur leh Rs. 1,000 chawi tura tih a ni. Hei bakah hian 342 IPC hnuaiah, he pawngsual hi tum reng anga thiltih a nih avangin Thla ruk chhung hrehawm taka Lung In tang tur leh Rs. 1,000 chawi tura tih a ni bawk a, sum hi chawi tur a neih loh chuan Thla khat chhung a tan belh leh dawn bawk a ni.

Comments

Chhiar Hlawhte