AYUSH MZP Inter High School Quiz zofel

AYUSH MZP Inter-High School Quiz 2019 chu nizan hmasa khan zawhfel niin St. Pauls Higher Secondary School chu pakhatna an ni.
IGNITE Studio, Khatla-a AYUSH MZP Inter-High School Quiz 2019 kharna hun hi Higher & Technical Education Minister, Dr. R. Lalthangliana chuan hmanpuiin MZP ten zirlaite tana Quiz an buatsaih thin chu lawmawm a tih thu sawiin, zirlaiten he Quiz hi hlawkpui zel tur leh ruihhlo, zuk leh hmuam lak a fihlim tlat turin a fuih a. Kan ram chu silai leh bomb hmang ni lovin, nasa takin HIV/AIDS hian min run mek tih pawh sawiin, HIV/AIDS do nan nasa taka hmalak a tul thu a sawi bawk.
    AYUSH MZP Inter-High School Quiz 2019-ah hian School 12 telin St. Pauls Higher Secondary School Aizawl chu pakhatna niin Trophy, Citation leh Rs. 30,000/- an dawng a. Kids Care School, Aizawl chu pahnihna niin Trophy, Citation leh Rs. 20,000/- an dawng bawk.

Comments

Chhiar Hlawhte