Police hnathawh dan hrilhfiah

/
Serchhip District-a Student Police Cadet te tan nimin khan Serchhip Police te chuan an hnathawh dan zirtirna neiin an hmanraw chi hrang hrangte hman dan an hrilhfiah bawk.
Serchhip District-a Student Police Cadet, Marian High School naupangte tana Serchhip Police ten Police Station-a hna thawh dan leh an kalphung bakah an hmanraw neih hrang hrang hman dan zirhona pual hian Serchhip Police Station Conference Hall-ah inkhawm tawi neiin Serchhip Addl. SP, PC. Laltanpuia chuan he hun hi kai-hruaiin he hun hmanpuitu Serchhip SP, R. Sathiya-sundaram IPS chuan zirlai naupangte chu nitin-a kan chhehvel-a thil thleng te hriat tum tur leh chumi atana chanchinbu chhiar tama chanchinthar te en tam turin a fuih a. Zirlai naupangte chu khua leh tui tha an nih theihnana theihtawp chhuah tura fuihin, Police ten mipui himna atana hma an lakna te chu an hriat a pawimawh thu a sawi bawk.
Nimin a he huna tel Student Police Cadet te hi Serchhip Police Station building hmun hrang hrang te tlawhpui niin Police Station hna-thawh dan leh mipuite tana hna an thawh dan te hrilhfiah an ni a, hei bakah hian Serchhip Police ten hmanrua an kawl hrang hrang Phaw leh Silai te bakah thildang te entir an niin a hmandan te pawh hrilh nghal an ni bawk.
Serchhip District-ah hian Student Police Cadet hi Marian H/S-ah din niin tunah hian mi 44 an tel mek a, nimin a he hun hmanna ah hian Agnes Zirsangpuii, Teacher-cum-Assistant Community Police Officer, SPC, Marian High School bakah Police Officers te an tel a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »