Congress Party a thochhuak mek - Lal Thanhawla

MPCC President, Lal Thanhawla chuan Congress party chu a thochhuak leh mek niin a sawi.
Mizoram Pradesh Congress Committee (MPCC) in nimin-a Aizawl Congress Bhavan Golden Hall-a MPCC Political Session an neih ah MPCC President, Lal Thanhawla chuan he thu sawiin, “Maharashtra leh Haryana State Legislative inthlanah pawh Congress party-in nasa takin hma a sawn a, BJP-in an talbuai phah hle a ni,” a ti a. Indian economy chu nasa takin a tlahniam mek nia sawiin, “Mithiam tam tak an mangang a, PM hlui Manmohan Singh ruai turin BJP sawrkar hnenah thurawn an pe hial a ni,” a ti a. “Jammu & Kashmir laka thuneihna an lek dante, Parliament pawh rawn lo a Article 370 an paih duh dante en hian Mizote leh hnam tenau dangte hi dinhmun hlauhawm takah kan ding mek a ni,” a ti bawk. Lal Thanhawla chuan Sinlung Hills Council inthlan hmachhawn mek chungchang sawiin, “Sinlung Hills area a cheng mipuite hian remna siamtu Congress party laka lawmthu sawi nan Congress leh a thawhpuite candidate an thlan tlin ngei ka beisei,” a ti bawk.
He hunah hian MPCC Vice President, H. Liansailova pawhin Contract leh therhlo ringawt beisei nana politician-te an hmu \hin chu siam\hat a ngai tih sawiin, Mizoram in harsatna a tawh hrang hrang ah Kohhran te nen \angtlanga siam\hat a \ul thu a sawi a. “Congress party hi Mizoram tan Pathian in a lo hmang \angkai tawh \hin a. Mizorama remna meichher chhitu, remna atana lal\hutthleng kiantu kan nih bakah Mizorama hmasawnna liantham leh ngelnghet ho zawng zawng Congress kutchhuak deuh vek a ni bawk a. Finance management chungchangah te, hnam inpum-khatna chungchangah te Congress party hian a thawh hlawk hle a ni. Hetiang avang hian party tam tak an zuihral tawh laiin Congress party chu Pathian zarah nghet takin a la ding reng a. Congress party lungphum, a thil tum leh a ideology zawng zawng hi a Pathian thu em em a ni,” a ti bawk.

Comments

Chhiar Hlawhte