Home Department-in ruihtheih thilin a tih-buai Police-te puala chawlhkar hnih (2) chhung intuaitharna a buatsaih chu nimin khan Thenzawl PTS Conference Hall-ah khar a ni.
He intuai-tharna kharna inkhawm PTS Principal, HL. Thangzuala kaihhruaiah hian he hun hmanpuitu Mizoram DGP, SBK. Singh chuan, Police-te chu ruihhlo a let tawh lova, rinawm taka Police hna thawk turin a chah a. Police hna chu mipui venhim leh thil tisualtuten dan anga hremna an hmuh theih nana hmalak a nih angin Zu leh ruihhlo do kawnga mi tangkai zawk ni turin a chah a ni.
Ruihtheih thil in a tihbuai Police-te puala intuaitharna-ah hian Mizoram hmun hrang hrang atangin Police 266 an tel a. Heng mite hian zu leh ruihhlo dang ti tawhlo turin DGP, SBK. Singh hmaah ban pharin thu an tiam a ni.
DGP hian nimin vek khan Thenzawl Police Station-a Child Friendly Room leh CCTV dah thar a hawng nghal bawk.
Comments
Post a Comment