PRISM Party in MLA hlawh tihpun hun an ti lo

PRISM Party chuan MLA te hlawh tihpun chu hun an tih loh thu sawiin, MLA thenkhatin an hlawh an tihsan chhana mipui an puh chu demawm an tih thu an sawi.
Nimin a thuchhuah an siamah PRISM Party chuan mipui aiawha thlan ten anmahni hlawh tihpunna tur an pass tak chu an hlawh lak lai atanga chhutin za zela 130.77 laiin a pung tih sawiin, Mzoram sum dinhmun enin MLA te hlawh pun chu hun an ti lo tih an sawi a, mahni hlawh tipung tura thukhawm ten an rawngbawlsak turte mawh chunga bial mipuiin harsatna hrang hrang an thlen vanga hreh tak chunga tisang anga ngaih theiha thu an sawi phei chu a zahthlak an tih thu leh, mipui rawngbawl tura engkim huamten an hamthatna tura mipuite an mawh chu an dem tak zet tih an sawi.
PRISM Party thuchhuah chuan MLA te hlawh leh hamthatna hi 2010-ah siam that a ni tih sawiin, kum 2013 inthlan dawna Candidate-te affidavit atanga a lan danin 2008 aia an hausakna a let sarih chuang ten a pung tih an sawi a, kum 2018 inthlan-ah Candidate 116 chu cheng vbc. tel nei phak an ni a, an zinga 36 te chu tuna MLA nilai mekte hi an ni tih sawiin, MLA nilaite zinga hausa ber Robert Romawia Royte hausakna chu cheng Vbc. 44 a nih laiin House chhunga MLA nih hautakzia ding meuha a sawi chu a rawngbawl tumna a hai nia an ngaih thu an sawi a. Mizoram rawngbawl tura thlan ten ram hmasawnna aia mahni hmasawnna ngaihtuaha hlawhpunna tur an pass duh chu an dem tak zet tih sawiin, an manifesto-a an tarlan Minister leh MLA te hlawh leh hamthatna tih tlem chu an party dinna a la ni reng tih an sawi bawk.

Comments

Chhiar Hlawhte