Buhfai phur sak tumlo

Mizoram Truck Driver Association chuan Mizoram Carrying Contractor Association chu miretheite rapbettu nia sawiin, an Buhfai an phurh sak theih tawh loh tur thu thuchhuah siamin an tarlang.

Motor lian khalha eizawng pawl, Mizo-ram Truck Driver Association (MTDA) hian kum 1994 atang khan Mizoram Kudam hrang hrangah Motor Buhfai phur tur load hma dan tur indawt dan 'Loading Serial' an lo kalpui tawh thu leh pachhia leh neinung zawk te thliar lova angkhata hrutrualtu leh an intunnunna ber a nih thu an sawi a. Carrying Contractor Association-in Loading Serial enkawltu MTDA leh Serial enkawl phalna petu FCS&CA Department te Gauhati High Court-ah an khing tih sawiin, hei hi mirethei rahbehna dik tak anih vangin MTDA chuan Carrying Contractor Association te Buhfai hi an phurh sak theih ta lo niin thuchhuah an siamah chuan an tarlang.