Swachhta Hi Sewa hmang

District Child Protection Unit (DCPU) buatsaih nimin khan Serchhip-a Child Care Institution te tan Faina leh Plastic hman \hatloh zia zirhona neih a ni.

Zoar Deprived Children Home a Swachhta Hi Sewa hnuaia he zirhona hi Serchhip DCPU Office a\angin Lalramdinmawii, Protection Officer chuan kaihruaiin F. Lalruat-kimi, Inspector of Sanitation, UD&PA Department chuan he huna kalkhawmte zirtirna a pe a, Serchhip chu Mizoram-a khawpui fai berah thlan a nih tawh thu leh he dinhmun hi kan luah reng theih nan \anlak a \ul thu a sawi a. Khawpui fai ber lawmman kan lak theih nana thawktu hrang hrang zingah naupangte chu a thawhhlawk ber te zing ami an nih thu sawiin, midang te zirtirtu nih tum turin a chah bawk.

Hei bakah hian sawrkar in Plastic hmang lo tura hma a lakna te pawh sawiin, Plastic bag chu kawng hrang hrangah a \hatlohna a awm avangin sawrkar pawhin 50micron aia pan chu hman khapin he dan bawhchhia te chu kum 5 thleng lung In tan tir bakah pawisa pawh chawitir theih an nih thu a sawi a. He Dan hi kenkawh mek zel a nih thu sawiin, hei vang hian Plastic bag hmang lova \awiral thei chi bag hman chu kan inzirtir a \ul thu a sawi bawk. He zirhona hunah hian Serchhip-a Home pahnih-Unity Orphanage Home leh Zoar Deprived Children Home-a naupangte leh thawktute bakah Observation Home a thawkte an tel a ni.