Vangchhe YMA ten theihtawp chhuaha hmalak tum

Vangchhe Branch YMA te chuan an khaw bula hmuhchhuah, Pi pute sulhnu diklo taka her danglam tumna a awm a nih chuan theihtawp in hma an la zel dawn tih an sawi.
Vangchhe Branch YMA hruaitute chuan an khaw bula pipute sulhnu chungchangah Pathian thu hriltu thenkhat leh Social Media lama ASI hmalakna thenkhat zeldin thubawla mipui rilru hruai sual thei leh Vangchhe Branch YMA-te thu dik tawk lo a puhna awm chu pawi an tih thu an sawi a, an khua Vangchhe khaw bula mihring sulhnu hlui chu Mizo pipute sulhnu ngei a ni tih sawiin, Hnamdang ziarang nen zirkawp ngai leh a inlaichin dan zirchian ngai a ni tih an pawm laiin, diklo taka her danglam tum anih erawh chuan a tawp thlenga dodal an tum thu an sawi a ni. India rama mihring sulhnu pawimawh, Kawtchhuah ropui awmna Vangchhe khuaah hian mihring 1060 chengin, chhungkua 175 an awm mêk a ni.

Comments

Chhiar Hlawhte