TKP Inkhawmpui tiak

/
Baptist Church of Mizoram (BCM) hnuaia Thalai Kristian Pawl (TKP) New Serchhip Pastor Bial Inkhawmpui vawi 2-na chu nimin, Pathianni hmang khan neih a ni.
TKP New Serchhip Pastor Bial Inkhawmpui hi Serchhip P&E Veng-a Ebenezer Biak In-ah neih niin Thupui hran nei lovin Speaker atan Upa C. Lalzarmawia chu hman a ni a, Zirtawpni khan Lei-sekawt Mual-ah TKP Sports Meet neiin Inrinni zan atang khan Speaker hnen atangin thuchah ngaihthlak a ni a, Inrinni khan khawmpui Palai ten Biak In-ah ro an rel bawk. BCM New Se-chhip Pastor Bial ah hian TKP Unit panga awmin member Mipa 285 leh Hmeichhia 186, a vaiin 471 an awm mek a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »