Dan bawhchhia a lirthei khalh mi 5 man an ni

/
Serchhip Police te chuan nimin tlai khan Serchhip Bazar leh khawpui chhung hmun hrang hrangah Special Drive neiin dan bawhchhia mi 5 an man.
Serchhip Police te hian mipuite himna tura hma an lakna kal zelah nimin tlai khan Serchhip Bazar, IOC Veng leh College Peng ah te Special Drive for Public Safety hi an nei a, he hunah hian Driving License nei lova lirthei khalh mi 3 bakah document felfai lo chunga lirthei khalh mi 2, an vaiin mi 5 man an ni a, heng mite pawisa chawi tlingkhawm chu Rs. 2200/- a ni.
Serchhip Police hotute chuan hetianga dan bawhchhia a lirthei khalh an man hian pawisa chawi tir ngawr ngawr chu an tum a nih loh thu sawiin, mipui vantlang himna chu an ngaih pawimawh a nih zawk thu an sawi a. Special Drive an buatsaih ah pawh pawisa chawitir leh man ngai awmlo se an duh zawk ber a nih thu an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »