Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

Higher Secondary School Games neih tan a ni

Mizoram Higher Secondary School Games 2019 chu nimin khan Aizawl khawpui chhung hmun hrang hrangah neih tan a ni.
Mizoram Higher Secondary School Games vawi 18-na hi Directorate of School Education bultuma neih a ni a, tun tum HSS Games-ah hian Aizawl pawnlam School 11 leh Aizawl khawpui chhung atangin School 12, an vaiin School 23 an tel a ni. Tun tum Higher Secondary School Games-ah hian sports discipline hrang hrang 7-ah inelna neih a ni a, Badminton khelhna tur Bawngkawn YMA Hall-ah James Larinchhana, Addl. Director-in a hawng a. Athletics & Football khelhna tur Rajiv Gandhi Stadium-ah C.Hrangthuama, Joint Director-in a hawng a; Volleyball khelhna tur PUC Field-ah Dr.Lalzahawma, Dy. Director(Accts)-in a hawng a; Basketball khelhna tur Electric Veng YMA Multipurpose Hall-ah Zoliani Hnamte, Dy. Director-in a hawng a; Table Tennis khelhna tur MTTA Hall, Mission Veng-ah Lalchungnunga, Dy.Director (Hindi)-in hawngin, Taekwondo chu Vawiin hian Aizawl Electric Veng YMA Multipurpose Hall-ah Vanlalsawma, PEO-in a hawng ve leh bawk ang.

Comments

Chhiar Hlawhte