YMA Chhang in Veng fai ber nih lawmna an nei

Serchhip Hmar Veng YMA Branch YMA hnuaia Education & Children Sub-Committee chuan Inrinni khan Serchhip Sub-Hqrs. YMA leh UD&PA Department thawhdunna hnuaia ‘YMA Chhang Faina Project’ a Vengchhung Fai ber lawmman an lak lawmna neiin Music Video thar an tlangzarh bakah zirlai hlawhtling te lawmpuina hun an buatsaih bawk.
Serchhip Hmar Veng Branch YMA Hall-a he hun buat-saih hi an Chairman, C. Lalthianghlima chuan kaihruaiin Serchhip-a UD&PA Department a\angin F. Lalruatkimi, Inspector of Sanitation chuan telpuiin Serchhip Hmar Veng Branch YMA huamchhunga Zirlai ti\ha te chawimawina lawmman a sem a, Faina kawnga YMA Chhang te hmalakna chu lawmawm a tih thu a sawi bawk.
Inrinni-a he hun hmanna ah hian Serchhip Hmar Veng huamchhung a zirlai ti\ha zual mi 9 te hnenah chawimawina thuziak hlanna neiin Branch YMA Adviser, C. Zonunsanga chuan Art & Culture Department bultuma “Aia Upa ten Zahthiam in’ tih hla hmanga Music Video an siam chu a tlangzarh a, YMA Chhang te a\angin Items hmuhnawm tak tak thlirho anih bakah ‘Vigillance Awareness Week’ denchhenin MRB Serchhip Branch Manager, Francis Lalhmun-sanga’n “Way to Life” tih thupui hmang a kalkhawm te chu Dikna leh rinawmna nunpui a, Hlemhletna do kawngah inpuihtawn pawi-mawhna te zirtirin, Khua leh tui \ha, rinawm ni tur a intiamna (Pledge) an sawirual bawk.
Serchhip Hmar Veng YMA Chhang hi kum 2007 khan din \an niin member 182 an awm mek a, thla tin Inrinni vawihnih chu Vantlang hmunhma leh mahni In leh a vel tihfai hnatlang neihna atan an hmang \hin a, UD&PA Department hnuaiah ‘Children Sanitation Club’ dinin kumin March thla a\anga ‘YMA Chhang Faina Project-2019’ kalpui thawh hnihna ah Veng fai ber lawm-man hi an dawng a ni.

Comments

Chhiar Hlawhte