Pandal sak hna tan a ni

Nakum February thlaa Serchhip in KTP General Conference a thlen tur atana Pandal sak hna chu nimin khan thawh tan a ni.

Nakum February thlaa Serchhip in KTP General Conference a thlen tur atana Pandal sak hna hi nimin khan khawmpui thlengtu, Serchhip-a Pastor Bial pathum-a KTP Member te chuan hnatlang in an thawk tan a, he hunah hian mi 200 vel thawk-chhuakin Serchhip bialtu Pastor, Pastor H. Lalawmpuia chuan tawngtaina hun hmangin Pandal sak hna hi thawh chhunzawm nghal a ni.

KTP General Conference Pandal atan hian Synod in Structure a neihsa chu hman niin Pandal hi a vang ft. 165 leh a dung ft. 252.7 a lian a ni dawn a, lamtual 108x30ft awm tura ruahman a ni a, stage 72x30ft leh Green Room 72x15ft awm tura ruahman a ni bawk. Pandal sak hnatlang hi Vawiin atangin Pastor Bial hrang hrang ten inchhawkin an thawk dawn a, chawlh-kar hnih (2) chhungin Pandal Structure hi rem zawh hman beisei a ni.

Hetihlai hian KTP General Conference neih tur denchhena Leisekawt Mual laihzauh hna pawh ngawrh taka thawh chhunzawm mek zel a ni a, tunah hian helai hmuna Serchhip BDO Staff Quarters awm zawng zawngte chu thiah vek ni tawhin lei laihna khawl hmanga laih zauh hna hi thawh mek a ni a. Helai laihzauhna leivung hi Field zauhna tura chhunzawl nan hman nghal zel rih a ni bawk.