Latest News

BBBP District Task Force thutkhawm neih a ni

Nimin khan Serchhip DC, Sangchhin Chinzah, BBBP District Task Force Chairman ni bawk hovin a Pisa-ah Serchhip District Beti Bachao Beti Padhao (BBBP) Task Force Committee chu an thukhawm a, kum 2019-2020 Annual Plan thlirhona an nei.
He thutkhawm ah hian BBBP District Task Force Chairman, Sangchhin Chinzah chuan BBBP hmalakna tluang taka kalpui chhoh zel a nih avangin lawmthu a sawi a, hmalakna kal mek leh hmabak la awm te pawh tha taka kalpui a nih theih nan theihtawp chhuah zel turin Line department aiawh kalkhawm te chu a chah a ni.
He thutkhawm ah hian Nodal Officer, Denny Lalchhuanawma chuan Action Plan 2019-20 chungchang sawifiahna a nei hmasa a, Action Plan chhunga line department ten tih tur hrang hrang an neih te chu chipchiar taka sawiho leh ngai a la nih avangin Hapta hnih hnu velah Meeting hi koh leh ni se tia rel a ni.
BBBP hi Central sawrkar Flagship prog-ramme pawimawh tak niin ram chhunga hmeichhe naupiang leh hmeichhiate chawikanna kawnga hmalakna niin Serchhip District-ah pawh hmalakna hi kalpui mek a ni a. Line Department hrang hrang Health, Education, Social Welfare, Police, Child Protection lam te leh khawtlanga pawl hrang hrang te nena thawhhona engemawzat kalpui mek a ni.

Comments

Popular News (Last 30 Days)