Ramri chungchanga che chhuak turin inpeih reng

MZP General Hqrs. President thar, B. Vanlaltana chuan Mizoram sawrkarin ramri chungchang a ngaihthah hle tih sawiin, Ramri humhalh tura sawrkarin hmalakna thar a neih loh chuan MZP chu che chhuak turin a inpeih reng tih a sawi.
MZP General Hqrs. President, B. Vanlaltana leh a thawhpuite chuan niminpiah khan Bairabi Zophai-a Zofate Chawlhbuk sakna hmun tlawhin he hunah hian hian MZP President chuan Zofate chawlhbuk sak anih theih nan hma an la thuai dawn tih a sawi a. Assam in Mizoram chin a chuhbuai vanga ramri buai ni mek (Stutus Quao)-ah hian Assam lam chuan inthlahrung lo leh, huangtau taka hma la zui zelin, Biak In an sak mek pawh tun thlengin chawlhsan a la ni lo tih sawiin, Assam lamin duh ang thala hma an lak laia Mizoram sawrkarin hma a la ve ngam lo leh Chawlhbuk tak ngial pawh a ding thei lo chu MZP chuan tha natthlak a ti takzet tih a sawi bawk.

Comments

Chhiar Hlawhte