Zirlai hlui inhmukhawm

Kum 1973-a Govt. Serchhip H/S-a pawl 9 zirlaite chuan nimin khan Re-Union neiin Vawiin ah hun an hmang chhunzawm ang.

Govt. Serchhip H/S-a kum 1973-a pawl 9 zirlaite inhmu-khawm lehna hun hi nimin chawhnu khan Govt. Serchhip H/S-ah neih niin he hun hi V. Tlangthuama chuan a kaihruai a, he hunah hian an Headmaster hlui, J. Sawilaia chu Khuallian-ah hmangin khuallian chuan hetiang hun hmang theia an la dam chu lawmawm a tih thu sawiin, he School-a zirlai ten hetiang hun hman nachang an hria chu lawmawm a tih thu a sawi a. Chutihrual chuan an thawhpuite leh an zirlai, mi thenkhat, chatuan ram panta te erawh chu an hre reng tih sawiin, he inhmuhkhawmna neih tur puala hemi kuma pawl 9 zirlai ten an chanchin ziaka an dah-khawmna lehkhabu chu a tlangzarh nghal bawk.

Nimin-a he hun hmanna ah hian he School-a Zirtirtu lo ni tawh, H. Bazi Rama leh K. Chawiliana te chu Khual Zahawm-ah hman niin anni hnen atang hian thusawi ngaihthlak a ni bawk a, kum 1978-a Govt. H/S Serchhip-a pawl 9 zirlai leh zirtirtu, chatuan ram pan tawh mi 10 te sunna hun hman a ni bawk.