Plastic Free City Rally nei

/
Aizawl Municipal Corporation (AMC) chuan Aizawl khawpui-a Plastic hman tlem leh khap an kalpui mek bawhzuina chi khat atan nimin zing khan Aizawl khawpui-ah zirlai naupangte tan ‘Plastic Free City Rally’ an buatsaih.
Nimin zing-a ‘Plastic Free City Rally’ ah hian Aizawl Chan-mari leh Sikulpuikawn atangin High School leh Higher Secondary School zirlai naupang sang chuang ten Plastic hman thatloh zia tarlanna leh hman loh a pawimawh zia inzirtirna thuziak kengin kawng an zawh a, heng zirlaite hi Aizawl Sipai Lammual-ah intawkkhawmin Chief Secretary, Lalnunmawia Chuaungo hovin hun an hmang zui a ni. AMC hian kum 2017 chho atang khan Plastic’ khap hi buaipuiin ‘Committee on Plastic Free City a din a, Mizoram pawnlam-ah Study Team te intirin Plastic khuahkhirhna leh khapna Dan te an zir a, hemi hnu hian Plastic 50 micron aia pan hman chu an khap tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »