Hunpui-ah YMA duty leh rel

Serchhip Sub-Hqrs. YMA chuan nizan hmasa khan Sub-Hqrs. Executive Committee (SEC) Meeting neiin Krismas leh kumthar vuakvet mipui ten hlim taka an hman theih nana hmalak nise an ti.

Serchhip Sub-Hqrs. YMA Executive Meeting hi an President, R. Sanghmingthanga chuan kaihhruaiin kan hma lawka Krismas leh kumthar vuakvet lo thleng tur chu mipui ten hlim leh thla-muang taka an hman theih nan an huamchhunga YMA Branch tin ten venhimna khauh taka kalpuiin duty insiam leh nise an ti a. Sawrkar in halpuah leh halmawi bakah silai lem a mu kapchhuak thei a khap angin he khapna hi mipui ten an zawm theuh theih nan hmalak nise an ti a. Krismas lo thleng tur denchhen hian Serchhip District leh Mercy Hospital Poor Fund, Zoar Deprived Children Home, Unity Orphanage Home, Adult Rehabilitation Center, Old Age Home leh District Jail-ah te thilpek hlan nise an ti bawk.

Hei bakah hian SEC Meeting hian MP Rajya Sabha in MP LAD's Fund a pek atanga Morgue Van an lei chu hman theih tura siamfel thuai nise an ti a, Sub-Hqrs. huamchhunga khaw hrang hranga a hman man tur bithliah chu an pawm bawk.