Fisheries Minister in Sangha khawitute a fuih

Fisheries Minister, K. Lalrinliana chuan Sangha-a Mizoram a intodelh theih nan tih takzet a tanlak a tul thu a sawi.

Aizawl District chhunga Sangha khawitute tana Sangha khawi dan zirhona nimin a neih a hmanpuina ah Fisheries Minister chuan India rampum thlirin Hectare khata zau Dil-ah kumtin chawhrualin Sangha quintal 30 an thar theih laiin Mizoram-ah chuan quintal 12 vel thar thin ang kan ni tih a sawi a, midangin an tih theih chu Mizote pawhin kan ti thei tih rilru pu-a inngaihtuah thar turin Sangha khawitute chu a chah. Sawrkarin anmahni tanpuina tur Scheme hrang hrang hmanga sum a pek te, Fisheries Department-in Sangha khawi dan leh enkawl dan leh hlawk zawka Sangha tharchhuah dan an zirtir thin te hmang tangkai tura fuihin, State dang atanga Sangha lakluhte luahlana Mizoram mipuite khamkhawp Sangha kan tharchhuah theih nan tih takzet a tang turin a fuih a ni. Tun dinhmunah Mizoram-ah Fish farmers 16,223 an awm a, tuikhuah zawng zawng belhkhawm hi 5477 hectares a zau niin Aizawl District huamchhungah Fish farmers 2063 awmin tuikhuah zau zawng belhkhawm hi 480hectares a zau a ni thung.