Chiahpui khua in Mizoram-a VC \ha ber lawmman an lak lawmna LAD Minister hovin an nei

Chiahpui khua chuan nimin khan kum 2018-2019 chhunga Mizoram a Village Council tha bera thlan an nih lawmna neiin LAD Minister, K. Lalrinliana chuan a hmanpui.

Chiahpui Community Hall-a Mizoram VC \ha ber lawmman lak lawmna hunah hian LAD Minister chuan LAD in Mizoram puma Village Council a enkawl 534 zinga hnathawk \ha bera thlan an ni chu a lawmpui thu sawiin, hetiang hlawhtlinna chang tur chuan khawtlang mipui an fel a, an hruaitute an fel bawk a ngaih bakah an inrintawna thawhhona \ha an neih a ngaih thu leh thawhrimna nen theihtawp an chhuah tlan a ngaih thu a sawi a. Khaw inlungrual leh inhmangaih tawn an ni tih pawh a hriat theih thu leh chhuanawm a tih thu a sawi bawk.

LAD Minister chuan ei leh bara kan intodelh nan sawrkarin SEDP a kalpui thuai dawn a, tunah hian Board 14 dinin heng Board hrang hrangte hian chak takin hma an la mek a ni, a ti a, “Eizawnna ngelnghet kan neih theihna tura hma lak a nih dawn avangin \anpuina dawngtu te pawhin an dawn hunah a thlawn a dawng an nilo tih an inhriat a pawimawh dawn a, Hreipui Khuai tu thei pawhin tha a mamawh ang bawk khan thawhrimna, rinawmna leh thlan tui nen hma an lak a ngai ve dawn a ni,” a ti a. “Kan intodelh loh chuan kan huaisen thei lova, hnam zahawm kan ni thei dawn lo a ni,” a ti bawk.

He hun hi bialtu MLA leh Mizoram sawrkar-a Human Resources Development Board Vice-Chairman ni bawk, L. Thangmawia pawhin khual Zahawm nia hmanpuiin VC \ha ber ni tura an khawtlang \anrualna leh thawhhona \ha chu entawntlak a nih thu leh bial enkawltu a nihna ang pawh a chhuanawm a tih thu a sawi a, VC \ha ber nih hian inthlahdah phah a thiang lo tih pawh sawiin, nasa lehzuala hmasawn tur an nih thu leh, midangte pawhin an en bik tawh dawn tih hria a hmasawn belh zel tura \an mar a \ul thu a sawi bawk.

Local Administration Department leh SIRD&PR \angkawpin kum 2018-2019 chhunga Mizoram puma Village Council \ha thlanna tehfung hrang hrang hmanga a neiha Village Council \ha ber a an thlan Chiahpui khua hi Mizoram hmar tawp Manipur ramri dep a awm a ni a, In 250 khua niin Village Council member pali (elected 3 + Secretary) an awm a ni. Kum 1868 vel lai khan In 700 khua niin khaw lian tak a lo ni \hin a, Zohnahthlak Hnam hrang hrang awmkhawmna niin tunah hian In 182 awmin mihring 1135 an cheng a, sawrkar enkawl Primary School leh Middle School pakhat ve ve awmin Govt. Aided High School pakhat a awm bawk a. November ni 15, 1984 a Village Council Court din a nih a\angin mumal takin tun thleng hian tluang takin an kal a ni.