Childrens’ Week pualin hun hman chhunzawm a ni

/
Serchhip-a ‘Children’s Week’ hman mek denchhenin nimin khan Serchhip Auditorium-ah zirlai nu leh pa te tan ‘Kan fate-kan Hmakhua’ tih thupui-ah hmangin hun hman leh a ni.
Nimin-a he hun hman hi Serchhip District Child Protection Officer, Lalsiampuii chuan kaihruaiin he hun khuallian nia hmanpuitu Serchhip SDEO, Van-lalhmachhuana chuan tunlai khawvel ah nu leh pa leh zirtirtute tangruala kan tu leh fa, zirlai nau-pangte hmakhua kan ngaihtuah a tul tawh takzet tih a sawi a. Kan tu leh fa te chu School kaltir ngawt lovin zirna kawnga hma an sawn dan te vil zui-a an nungchang leh khawsak danah thil thalo leh nungchang thalo a awm chuan siamthat leh thuai a nih theih nan nitin-a an zirtirtute pawh hrilha tanrual a pawimawh thu a sawi  bawk.
Nimin-a he hun hmanna ah hian Dr. Chawng-lungmuana, CEO, SHALOM chuan ‘Kan fate - Kan hmakhua’ tih thupui hmangin kalkhawmte zirtirna a pe a, naupangte rilru leh taksa hriselna ngaih pawimawh a tul thu te, Information Technology lama changkanna nasa tawh tak lakah kan fate enkawl fimkhur a tul thu te, naupangte chu mahni ke-a ding tura buatsaih chhoh a pawi-mawh dan te leh Zirtirtute leh zirlai nu leh pa te pawimawhna te a sawi bawk. He hunah hian zirlai nu leh pa leh Zirtirtu mi thahnem tak an tel a ni.
Nimin vek khan zirlai naupangte tan Govt. High School Serchhip-ah Arts and Craft Competition neih a ni bawk a, zirlai naupang 26 an tel a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »