Lunglei District-a thubuai zirchianna neih a ni

Nimin khan Lunglei-ah District Crime Review Meeting neiin an District chhunga thubuai ziahluh pun dan leh tlakhniam dan te thlirho a ni.

Lunglei SP Conference Hall-a District Crime Review Meeting-a tarlan a nih danin January ni 1, 2019 atanga tun thla ni 11 thleng khan Lunglei District huamchhungah thubuai 185 ziahluh ni tawhin chung zinga 152 chu chargesheet thehluh a ni tawh a, case pariat (8) chu chhui chhuah theih mai loh avanga case khar rih a awm a, case 25 chu la chhui mek, la zawh chiah loh a ni.

Thubuai ziahluh zinga thubuai 23 chu case pawimawh zual a ni a, chung zingah chuan pawngsual thubuai 4 a awm a, Naupang khuai-khem thubuai 3, Tualthah tumna 3, Ruihhlo kaih-hnawih 7, Mi suam thubuai 1, Accident na tak 2 leh mi nunna laksak (Tualthat, Murder ni silo) Case 3 a awm bawk. ILP kaihhnawihah case 11 ziahluh niin, mi 84 man an ni. Hemi hun chhung hian Zu, Damdawi leh Ruihhlo dang kaihhnawih hi Rs. 2,582,750/- hu man a ni tawh bawk. 

Heng bakah hian kumin January ni 1 atanga October thla tawp thleng khan Motor ke pali nei 914, Ke pathum nei 307 leh Ke pahnih nei 798 te man-a chawitir an ni tawh a, heng mite pawisa chawi tlingkhawm hi Rs. 6,39,000/- a tling tawh bawk a. Hemi hun chhung hian mi 16 Driving license chu Cancel turin DTO ah thawn a ni bawk.