Khawvel Sunday School Ni

Nimin, November thlaa Pathianni hmasa ber kha Khawvel Sunday School Ni atan hman niin Kohhran hrang hrang ten urhsun takin an hmang a.

Mizoram-ah chuan kum 1944 a\angin Khawvel Sunday School Ni hman \an a ni a, kum 1949 a\angin November Pathianni hmasa berah thupui neia hman ni. Sunday School hi kum 1780-ah England ram, Gloucester khuaa Robert Raikes-a din a ni a. India ramah July 9, 1803 a\angin Missionary ropui William Carey-a leh a \hiante (Serampore Trio) hmalaknain Sunday School neih \an a ni a. Mizoram-ah pawh Zosap, Rev. D.E. Jones-a (Zosaphluia) hmalakna in February 20, 1898 a\angin mei mit lovin kan nei zui ve ta a ni.

Mizoram Presbyterian Kohhran chuan Khawvel sunday School Ni-ah hian Puitling-ah Mizoram-in hun thim (rambuai) a hmachhawn laia mipuite pa nih tling tak Missionary, Rev. Dr. Allwyn Roberts-a chanchin an zirho a, Naupang lamah pawh thupui thlanbik zirho a ni. Baptist Church of Mizoram (BCM) pawhin zing Inkhawm ah 'Pathian thu Thimna tiengtu' tih thupui hmangin thuchah an ngaithlak bawk.

Hetihlai hian November thla Pathianni hmasa ber hi UPC (NEI) chuan Orphanage Sunday atan an hmang thung a ni.