SDSC Office leh Contact Sports Centre hawn a ni

Serchhip District Sports Committee Office-cum-Contact Sports Centre chu nimin khan Adviser to Chief Minister, C. Lalramzauva chuan a hawng.
Serchhip District Sports Committee Office-cum-Contact Sports Centre hi Serchhip Indoor Stadium building Ground Floor-a awm niin tunhma lama UD&PA Department in Office atana an hman thin a ni a, UD&PD Department in an chhuahsan hnuah hun engemaw chen hman loha awm hnuah sawrkar-a thuneitu hnenah thlenin sawrkar in phalna a pek angin SDSC Office atan hian cheihnum a ni a, infiammi ten tangkawi zawka an hman theih turin ruahmanna siam a ni bawk.
Nimin-a a hawnna hun ah hian Adviser to Chief Minister, C. Lalramzauva chuan Serchhip District Sports Committee Office leh Contact Sports Centre tur hmun remchang tak, sawrkar hmasa in a lo sak tawh hman mai tur a awm chu lawmawm a tih thu sawiin, hetiang hmun nei tur hian hruaitu ten ngaihtuahna nasa tak an seng tih alang niin a sawi a. |halaite ruihtheih thil laka an fihlim theihna turin infiamna chu hman-raw pawimawh tak a nih thu leh hei vang hian sawrkar pawhin infiamna lama hmasawnna turin nasa taka hma a lak mek thu sawiin, Sawrkar hmalakna te a hlawhtlin theih nan mipui ten tha taka kan thlawp a pawimawh thu a sawi a. Mizoram in malsawmna tam tak kan dawn thu leh Ser-chhip pawhin Ramlai Malsawmna a dawn thu a sawi bawk.
Serchhip District Sports Committee Office-cum-Contact Sports Centre hawnna hun hi Serchhip District Sports Committee Chairman, K. Tlangthanmawia chuan kaihruaiin SDSC Secretary, David Laldintluanga chuan an hmalakna hrang hrangte report a pe bawk a, SDSC Vice Chairman, Lalremruata Ralte chuan he Office an neih theihna tura hma an lakna te sawiin, lawmthu sawina hun a hmang bawk a ni.

Comments

Chhiar Hlawhte