Serchhip-ah Merit Scholarship Exam neih a ni

Serchhip DIET buatsaihin Inrinni khan Serchhip District-a pawl 8 zirlaite tan National Means-cum-Merit Scholarship Exam neih a ni.
Sawrkar laipui in pawl 8 zirlaite tana pawl 12 an nih thlenga Scholarship an hmuh theihna tura ruahmanna a siam, National Means-cum-Merit Scholarship Exam hi kumtin November thla Inrinni vawi hnihna a neih thin a nih angin Inrinni khan Serchhip DIET-ah neih a ni a, Serchhip District chhunga Middle School hrang hrang atangin pawl 8 zirlai 56 an exam a, he Exam-a tel zirlaite hian Mental Ability Test (MAT) leh Scholastic Ability Test (SAT)-ah te exam neiin zirlaite hian minute 90 chhungin zawhna 90 an chhan hman a ngai a. He Exam-a Serchhip District chhung titha zirlai thlanchhuah te chuan pawl 12 an nih thlengin kumtin Scholarship Rs. 12,000/- an hmu thei dawn a ni.
Serchhip DIET hian kumtin November thla Inrinni hmasa bera an lo tih tawh thin angin Nov. 2 khan Serchhip District chhunga pawl 10 zirlaite tan National Talent Search Exam an lo buatsaih tawh bawk a ni.

Comments

Chhiar Hlawhte