Latest News

Serchhip-ah Northeast Yatra for Lifestyle (Life) nei mek

Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.

Argi. in zirhona buatsaih

Directorate of Agriculture (CH) Mizoram buatsaihin Zirtawpni khan Serchhip-a DAO Office Training Hall-ah Soil Health Card Scheme and Soil Sample Collection Technique chung-chang zirhona neih a ni.
He zirhona hi Serchhip DAO, Lalnithanga chuan kaihruaiin loneitute leh Department thawktute pawhin an mamawh em em hriatna pe tura, Aizawl lama department hotuten Training an rawn buatsaih sak chu lawmawm a tih thu a sawi a, training chhim tura kal te chu an thil zir te hriatfiah ngei tum turin a ngen a ni. He Training hi hun hnih-ah then niin hun khatna ah hian Resource Person Lalengzami Haolai, Dy. Director (SS) chuan Soil Health Card Scheme sawifiahna leh zirtirna a nei a, lei (soil) pawimawh zia te, ramngaw zawng zawng aia leiin mihring tana hna a thawh nasat zawk dan te, loneituten kan hriat lohna avanga kan mamawh aia tam lei kan tih chereu thin dan te, ram ruak kan neih te hman tangkai thiam a tul dan te a sawi a. Hun hnihna ah hian Resource Person Zodinpuii, Asst. Soil Chemist chuan lei sample lak khawm dan chungchang a zirtir bawk.

Comments

Popular News (Last 30 Days)