Training on Investigation of Economic Offence tan a ni

India sawrkar-a Bureau of Police Research & Development (BPR&D), New Delhi bul tuma ni 5 awh tur, Training on Investigation of Economic Offence chu nimin khan Aizawl-a Anti-Corruption Bureau (ACB) Conference Hall-ah ACB Director, Mukesh Kumar Meena, IPS chuan a hawng a. He Training-ah hian subject chi hrang hrang thlan chhuah 12 hmangin mithiam ten, India hmarchhak State hrang hrang leh Mizoram Police atangin mi 23 te hnenah training an pe dawn a ni.

Economic Offence hi tunlai India ramah a hluarin buaipui a hlawh em em a. Ram ei leh bar leh economy thang mek ti khaihlaka tibuai thei chi reng reng hi Economic Offence chuan a huam a. Economic Offence do nan leh dan bawhchhia te hremna turin India ram chuan dan mumal tak a nei a. IPC Income Tax Act, Custom Act 1962, Foreign Exchange Regulation 1973, Banking Regulation Act, Companies Act, Arms Act leh a dangte chu hman mek a ni a. Economic offence sualna chi hrang hrang te enzui a chhui zui tur pawl te pawh mumal tak India ramin a nei a. Heng CBI Directorate of Enforcement, Central Narcotic Bureau, State Police-a Economic Offence Wing, Crime Branch, Directorate of Income Tax, Directorate of Foreign Trade, Directorate of Revenue Intelligence te hi chutiang atana awm chu an ni.

Comments

Chhiar Hlawhte