Latest News

Hmeichhe naupiang te en

Nimin khan Serchhip District Beti Bachao Beti Padhao (BBBP) Task Force Committee chuan Monthly Girl Child Day an lo kalpui tawh thin kal zelah Serchhip District Hospital-a hmei-chhe naupiang thar pahnih te an en.
Ministry of Women & Child Development kaltlanga Govt. of India Flagship Programme pakhat, hmeichhe nau piang thar te lo lawma, tha taka enkawl puitling tura inzirtirna hmalakna, Beti Bachao Beti Padhao (BBBP) Serchhip District hmalakna ah thla tin ni 5-na (5th day of every month) chu ‘Monthly Girl Child Day’ atana thlan niin he ni-ah hian District Hospital-a hmeichhe fa piang thar en tur an awm chuan en thin niin thilpek te pawh hlan thin an ni.
He hmalakna kal zelah hian tun November ni 5 ah pawh khan Serchhip Hospital nau neihna Ward-ah hmeichhe naupiang thar pahnih awmin BBBP District Task Force aiawhte chuan heng fanu thar pahnih te hi an en sak a, an nu te hnenah thilpek hlan nghal an ni. Monthly Girl Child Day ni takah heng fanu thar te hi District Task Force te hian an en hman tak loh avangin nimin hian an en ta zawk a, New Born Diaper Pack hnih leh pawisafai Rs. 500 hlan ve ve an ni a. District Task Force aiawhin Dr. ZD. Lalmuan-awma, Medical Superintendent leh Denny Lalchhuanawma, MCS, SDC, Nodal Officer, BBBP Serchhip District leh K. Saitluanga, DIPRO ten naute enna hi an hlan a. K. Saitluanga hian naute nu leh pa te hnenah an naute an en chhan leh BBBP hmalakna langsar zual te a hrilhfiah bawk.

Comments

Popular News (Last 30 Days)