Lunglei khawpui-a CCTV bun thar hawn a ni

Lunglei Town Surveillance System hnuaia Lunglei khawpui him zawkna tura cheng nuai 145 senga CCTV bun thar chu nimin khan Lunglei District High Powered Committee Vice Chairman, Lawmawma Tochhawng MLA chuan a hawng.
Lunglei SP Conference Hall-a CCTV bun thar hawnna hun hi Lunglei SP, C. Lalthanmawia chuan kaihruaiin he hunah hian HPC Vice Chairman, Lawmawma Tochhawng chuan khawpui him zawkna tur leh nunaute pawh thin thi-a an mut theihna tura hmanraw \angkai tak, CCTV khawpui hmun hrang hranga bun a ni chu hmasawnna rahbi pawimawh tak a ni, a ti a, sual chhuina kawngah leh venhimna zawnah \angkai taka hman a duh thu sawiin, a enkawl kawngah mitin in mawh-phurhna an neih thu a sawi a, he hna a chhunzawm ngai leh tih phuisuina tur pawh ngaihtuah zel a tum thu a sawi bawk.
Nimin-a hawn tak CCTV hi HPC sum cheng nuai 145 hmanga bun a ni a, Lungkei khawpui hmun hrang hrangah camera 39 dah niin Control Room chu SP Office, Lunglei-ah dah a ni. Hei bakah hian a hranin Lunglei Police Station bik leh Hrangchalkawn Police Out post-ah mipui vantlang khawsak lam hmuh theih nan CCTV hi a hrana bun a ni a bawk.

Comments

Chhiar Hlawhte