Pukpui ram sawihona nei

Indian Air Force in Pukpui hmunhlui an luah chungchangah nimin khan IAF Squadron Leader, Lunglei Settlement Officer, Pukpui VCP leh NGO hruaitute Pukpui-ah an inkawm.

Pukpui khawtlang hian Pukpui hmunhlui chu IAF in an luah an phal loh chhan zingah tuna Pukpui Centenary lungphun chu IAF ten ‘a sang lutuk, khaw thlirna a dal, venhimna lamah IAF a tibuaia, thiah a ngai’ an tih leh IAF ten Pukpui hmun hlui an luah chuan an luah chin bak 300 mtr chu kut thlak phal loh a ni ang tih bakah sawrkar laipuiin ‘Restricted area’ a siam chungchang sawifiah tur leh rambuai laia Biak In hmun Vawiin thlenga sipaite’n an luah chu Civil mite pelet leh tura an phutna te a tel a. Pukpui khawtlang hian an lung-awilohna hi Prime Minister leh President hnenah thlen an tum tih an sawi bawk. Nimin a he in-kawmna a tel IAF Squadron Leader hi Shillong atangin sawrkar laipuiin a rawh tirh niin inbiakna a an thu leh hla chu thuneitu sang-ah a thlen leh ang.