Serchhip Dist-ah ruahtui tlem

Kum 20 kalta chhungin Serchhip District-ah kumtin ruahtui 1929.3 mm tla anga chhin-chhiah a ni a, Mizoram District hrang hrang zingah ruahtui tla tlem berna pawl a ni.

Kum 20 kalta, kum 1999 atang khan Mizoram District hrang hrang zingah Aizawl District chu ruahtui tlak tamna ber District niin heng kum 20 chhung hian chawhrualin ruahtui 2642.5mm kumtin tla anga chhinchhiah a ni a, Mamit District chu ruahtui tlak tamna ber dawttu niin kumtin ruahtui 2577.5 mm tla ang a ni bawk.

Siaha District-ah chawhrualin kumtin ruahtui 2535.1mm tla anga chhinchhiah niin Kolasib District-ah ruahtui 2523.6mm, Lunglei District-ah 2489.6mm, Lawngtlai District-ah 1971.6mm, Serchhip District-ah 1929.3mm leh Champhai District ah 1920.6mm kumtin ruahtui tla ziah anga chhinchhiah a ni.

Kum 1999 atanga kumin thlenga thla khata ruahtui tlak tam ber thla, kum 2004 July ah ruahtui 850.80mm tla in, kum 2008 June thla ah 740mm a tla a, kum 2004 June thla ah 726.10 mm tla in, kum 2000 August ah 616.90mm leh kum 2007 September ah 603.17mm a tla a, heng thla te hi Mizoram a ruahtui tlak tam thla te niin January leh December thla chu ruahtui tlak tlem ber thla an ni. Nikuma ruahtui tlak tam ber ni, June ni 12-ah 148mm a tla a, nikum 2018 January - December a ruahtui tla zawng zawng chu 1,753mm a tling a ni.