Copyrights zirhona neih a ni

Nimin khan Directorate of Science & Technology Conference Hall, Aizawl-ah 'Copyright' chungchang inhrilhfiahna leh zirhona neih a ni.

Mizoram Science, Technology & Innovation Council (MISTIC), Directorate of Science & Technology in Mizo Writers’ Association (MWA) leh Mizo Academy of Letters (MAL) te tana he hun a buatsaih hi Chief Scientific Officer leh MISTIC Member Secretary, Dr. R.K. Lallian-thanga chuan kaihruaiin tunhnaia an hmalakna te tarlangin, Mizote hi ‘Intellectual Property Rights’ (IPR) lamah an la hnufual hle avangin hmalakna tur tam tak a la awm a, theihtawp chhuaha hemi kawnga hmalak zel a \ul a ni, a ti a. Mizoram-ah IPR leh a kaihhnawih thildangte chu MISTIC hmalak turin sawrkarin a dah thu a sawi bawk.

He hunah hian Samuel Lalmalsawma, Senior Scientific Officer, MISTIC chuan Intellectual Property Rights hnuaia Copyright chung-changa hriat tur pawimawh zual te powerpoint presentation hmangin kalkhawmte a hrilhfiah a, a huam chinte leh \angkainate a tarlang tel bawk. Mizo zinga thuziak lama tui miten Copyrights chungchang hi chiang zawka an hriat a \ulzia te sawiin, Copyrights hman hian an thuziaks ate dan anga humhim a nih theih dan a sawi bawk. Ani bakah hian C. Laltlanzuala, Scientist-B, PIC, MISTIC pawhin power point presentation hmangin kalkhawmte zirtirna pein, dan anga Copyrights file dan hrang hrang a sawi bawk.

Nimin a he zirhona hunah hian MAL President, Prof. Laltluangliana Khiangte chuan Mizorama thuziak miten Copyrights chungchanga harsatna an lo tawh \hin dante sawiin, hetiang hun buatsaih a ni chu lawmawm a tih thu a sawi a. MWA President, R. Lallianzuala pawhin Copyright hmanga thuziak miten an thuziakte an humhim thei tawh tur chu lawmawm a tih thu a sawi bawk.